Star-Oddi er framsækið fyrirtæki á sviði mælitækni fyrir dýra- og umhverfisrannsóknir í hafi og á landi. Flestir viðskiptavinir fyrirtækisins eru erlendir og meðal notenda eru heimsþekktar rannsókna- og vísindastofnanir.

Hlutverk okkar er að bjóða tækni sem gerir vísindaheiminum kleift að rannsaka umhverfisáhrif á dýr og vistkerfi sjávar, allt frá hafsbotni til hæstu fjallatoppa.

Gildin okkar eru áreiðanleiki, metnaður og heiðarleiki og leitumst við við að fylgja þeim í hvívetna í störfum okkar.

Helstu verkefni og ábyrgð
Starfið felst í stuðningi við starf sölufólks Star-Odda sem eru sérfræðingar á mörkuðum okkar. Í því felst afgreiðsla móttekinna pantana í pantanakerfi okkar, gerð reikninga, gera pantanir klárar fyrir hraðsendingar FedEx og DHL, vinna í viðskiptavinatengslakerfi okkar (CRM) og samskipti við viðskiptavini. Möguleikar á þróun í starfi.

Menntunar- og hæfniskröfur

• Góð tölvukunnátta og reynsla af notkun tölvukerfa og tölvuforrita ýmiss konar er skilyrði
• Reynsla af bókhaldskerfum er kostur
• Góð íslensku- og enskukunnátta er skilyrði
• Menntun sem nýtist í starfi er kostur
• Góðir samskiptahæfileikar í ræðu og riti
• Sjálfstæði í vinnubrögðum

Umsókn með kynningarbréfi og náms- og starfsferilsyfirliti óskast sendar með tölvupósti á [email protected]

Umsóknarfrestur er til og með mánudeginum 19.05.2025. Nánari upplýsingar veitir [email protected] eða í s. 533 6060. Farið verður með allar umsóknir sem trúnaðarmál.

Hægt er líka að sækja um starfið gegnum Alfreð: https://alfred.is/starf/viltu-stydja-vid-soelustarfid-okkar